Letrat e Thaçit, “paralajmërim” për arrestime (Video)

“Prokuroria Speciale e Kosovës nuk ka kapacitete për të hetuar dhe ndjekur rastet, të cilat janë përmendur në katër letrat e presidentit Hashim Thaçi drejtuar Prokurorisë së Shtetit. Edhe Presidenti edhe Qeveria, bashkë me Kuvendin, vazhdimisht kanë injoruar sistemin gjyqësor dhe prokurorial duke mos i ofruar kushte adekuate për punë”. Kështu ka vlerësuar Ehat Miftaraj, nga Instituti i Kosovës për Drejtësi, një ditë pasi kreu i shtetit i është drejtuar Zyrës së Prokurorit të Shtetit.

Iniciativa e presidentit Thaçi, sipas tij, mund të konsiderohet më shumë si një retorikë për luftimin e kriminalitetit.

Miftaraj tha se Prokuroria Speciale e Kosovës, nuk ka kapacitete për rastet që i kanë dhe që i ka paraqitur Presidenti Thaçi.

 “Prokuroria Speciale ka vetëm 9 prokurorë. Kemi një dështim të menaxhimit që s’kanë mundur t’i plotësojnë pozitat. Jo vetëm lëndët që kanë por edhe me kërkesat e Thaçit, kjo prokurori mundet me kolapsu”, tha ai.

Ndërkohë, përfaqësues të opozitës i quajnë hipokrizi deklarimet e Thaçit dhe kërkojnë hetime për të gjitha vrasjet gjatë luftës dhe pas luftës. /TribunaChannel/

Be the first to comment

Leave a Reply