Jeta e vështirë e familjes së veteranit të UÇK-së (VIDEO)

Filmat vizatimor i shikojnë si të gjithë moshatarët e tyre. Por, të njëjtë nuk e kanë edhe veshmbathjen.

Një dhomë kanë vetëm pesë anëtarët e familjes Tali nga Prizreni jetojnë.

Ngjitur me të e kanë edhe tualetin, të cilin në mungesë të hapësirës e shfrytëzojnë edhe për të larë e mbajtur enët e ushqimit.

Por, pavarësisht kushteve të rënda, tre fëmijët e vegjël nuk e ndërprenë shkollën.

Pos telasheve ekonomike, vajzës tetëvjeçare të kësaj familje, të cilës kohë me parë filluan t’i bien flokët, i janë shfaqur edhe probleme të tjera shëndetësore.

Problem tjetër për familjen Tali janë edhe insektet që gjenden në çdo qoshe të shtëpisë.

Kryefamiljari, i cili është invalid i UCK-së dhe shumë shpejt do ta gëzojë pensionin prej 170 euro, thotë se nuk mund të punoj, ndërsa deri tani ka jetuar me ndihma sociale dhe shitjen e hekurishteve.

Në dorën e tij të majtë, ai e ka të vizatuar simbolin kombëtar, për të cilën 18 vite më parë edhe u ndëshkua.

Por, pasojat që pati nga kjo, nuk e bënë asnjëherë pishman Gazmendi për veprimet e tij.

Be the first to comment

Leave a Reply