Bellew: Haye do ta hedhë peshqirin, nuk do t’i durojë grushtet e mia

Tony Bellew beson se do ta detyrojë rivalin e tij, ish-kampionin e botës David Haye, të tërhiqet nga sfida pasi të provojë grushtet e tij.

Dy boksierët britanikë do të kryqëzojnë dorezat në “O2 Arena” të Londrës më 4 mars, në një përballje që konsiderohet e fortë, edhe pse nuk është e vlefshme për asnjë titull.

Haye u rikthye në ring një vit më parë pas një pushimi trevjeçar dhe deri më tani ka zhvilluar vetëm dy sfida të lehta, por kjo ndaj Bellew do të jetë një përballje e fortë, transmeton Telesport.

Ju garantoj se nëse dueli shkon në raundin e pestë, Haye do të detyrohet ta hedhë peshqirin dhe tërhiqet nga ringu”, ka theksuar Tony Bellew, kampion bote në peshën super të mesme dhe që debuton në peshën e rëndë.

“Sfida sa vjen e bëhet më e vështirë për të. Ai nuk do të ketë më ato duele të lehta. Këtë gjë David do ta shohë më 4 mars, ku le të ndodhë ç’të ndodhë. Unë do të bëhem boksieri më i mirë i peshave të rënda dhe do t’i mposht të gjithë”, ka shtuarmë tej boksieri britanik, i cili nuk e konsideron aspak të rrezikshëm rivalin e tij.

Ai nuk ka teknikë, por ka një fizik të mirë dhe kjo e lejon të grushtojë fort. Por, unë premtoj se pas raundit të dytë do ta hedh në tapet. Besoj se dueli nuk ka për të zgjatur më shumë se katër-pesë raunde”, ka deklaruar 34-vjeçari.

Bellew numëron 28 fitore, dy humbje dhe një barazim, ndërsa 36-vjeçari Haye ka 28 fitore dhe dy humbje si profesionist.

Be the first to comment

Leave a Reply