Real Madridi mendon largimin nga La Liga

Reali i Madridit nuk e priti mirë vendimin për të shtyrë ndeshjen e së dielës ndaj Celta Vigos, vendim që u mor për shkak të problemeve të shkaktuara nga moti i keq në rajonin e Galicias në Spanjë.

Klubi madrilen këmbënguli deri në momentin e fundit për ta luajtur atë ndeshje, por nuk ia doli dhe tashmë është i indinjuar.

Pakënaqësia është kaq e madhe, sa drejtuesit e Los Blancos po mendojnë që të nisin një fushatë për të mbështetur Superligën e Evropës, që cilësohet si alternativa e Ligës së Kampionëve të organizuar nga UEFA, një ide që është pasqyruar në mediet madrilene si AS e Marca.

Sipas këtyre medieve, presidenti i kampionëve të Evropës dhe të botës, Florentino Perez po mendon seriozisht tërheqjen e Realit të Madriditi nga La Liga, një nismë që do të shkaktonte një revolucion jo vetëm në futbollin iberik, por edhe atë evropian.

Projekti i Superligës Evropiane nuk është një temë e re për futbollin e kontinentin e vjetër. Në të vërtetë, ai është i mbështetur nga klubet më të rëndësishme si Barcelona, Real Madrid, Chelsea, Milan apo Manchester City, me klubin madrilen që duket se do të jetë më aktivi në këtë çështje.

Be the first to comment

Leave a Reply