Shpend Ahmeti dhe Dardan Sjediu në listë për deputetë, tregojnë arsyen

Kryetari i Prishtinës, Shpend Ahmeti, nënkryetari Dardan Sejdiu dhe disa drejtorë të tjerë do të jenë pjesë e listës së Vetëvendosjes për deputetë të Kuvendit të Kosovës.

Ahmeti thotë se Kosova gjendet para një sfide të madhe e cila mund të kthehet në fitore të madhe për qytetarët e saj, e sipas tij, Vetëvendosje është rruga e cila Kosovën mund ta çlirojë nga krimi dhe ta dërgojë drejt progresit dhe zhvillimit, raporton periskopi

“Duke ditur rëndësinë e kësaj gare dhe peshën e çdo vote e cila mund të sjellë ndryshimin, Lëvizja VETËVENDOSJE ka marr vendim që në këtë betejë të përdorim të gjitha resurset pa kursim. Bashkë ne të gjithë kemi vendosur si udhëheqësi komunale të angazhohemi maksimalisht në këtë garë, prandaj edhe unë edhe nënkryetari edhe disa drejtorë kemi vendosur të jemi në listën e Lëvizjes VETËVENDOSJE”, thotë Ahmeti.

“Në qoftë se prania jonë në listë e rrit lëvizjen edhe për një votë, atëherë ja vlen. Të gjithë ata të cilët pajtoheni me punën tonë të vazhdueshme në Prishtinë e që nuk do të ndalet, të gjithë ata të cilët pajtoheni me qëndrimet tona e të cilat do ti shprehim në çdo forum, dhe të gjithë ata të cilët pajtoheni me angazhimin tonë e i cili veçse do të shtohet, ju ftoj të na përkrahni. Mos thuani se vota juaj ska rëndësi me arsyetimin se është vetëm një, sepse ne thellësisht besojmë se ne jemi shumicë, por na duhet çdo votë. E çdo votë për Lëvizjen është votë e ndryshimit”, thotë ai./ Periskopi

Be the first to comment

Leave a Reply