Memushaj te skuadra zvicerane

Ledian Memushaj pritet të largohet nga Pescara për të kaluar në Zvicër te skuadra e Sionit

Sioni ndryshon strategji për Ledian Memushajn dhe kjo është arsyeja pse Pesckara mund të pranojë ofertën e skuadrës që drejton Paolo Tramezzani.

Ditën e djeshme, mediat italiane zbulojnë faktin se zviceranët kanë shtuar presionin për blerjen e kartonit të tij dhe transferimi duket se do të jetë çështje ditësh.

Mesfushori i Kombëtares shqiptare ka kontratë me ekipin e Pescras deri në qershorin e vitit 2021, por me rënien e ekipit në Serinë B, largimi i tij është i mundshëm.

Në fakt, ai është i lumtur në këtë ekip, por joshja nga një tjetër aventurë dhe interesimi i madh që po shfaq Tramezzani mund ta lëkundin për vendimin që do të marrë mbi të ardhmen.

Fillimisht për lojtarin ishin interesuar edhe Bologna, Benevento dhe Lugano, por tashmë duket se Sion është skuadra e vetme që ka mbetur në garë për të marrë shërbimet e shqiptarit

(Kosova Sot).

Be the first to comment

Leave a Reply